Михаил Ярославич
Шежіредегі орны
Михаил Ярославич (1271/1272 — 1318) — Тверь князі (1285 жылдан), Владимир ұлы князі (1305-1317). Ұлы князь Ярослав Ярославичтің баласы (екінші әйелінен). 1300 жылға дейін Мәскеу және Переясавль князьдарымен одақтаса отырып, Владимирдің ұлы князьдары Дмитрийге, кейін Андрейге қарсы күрес жүргізді. Бұлар Ноғай ордасының көмегіне сүйінді. 1300 жылы Михаил Ярославич ұлы князь Андреймен жақындасты, бұл оның Андрей өлімінен кейін 1305 жылы ұлы князь тағына отыруына жәрдемдесті. Михаил Ярославич митрополит Петрдің орнына өз адамын қоюға, Новгород жеріне де өз билігінн жүргізуге ұмтылды. Осыған байланысты Новгород пен Москва шіркеуі өзара одақтасып кетті. Михаил Ярославич орыс князьдарының ішінде бірінші болып «барлық орыс жерінің ұлы князы» деп аталды. 1317 жылы Өзбек хан Владимирдің ұлы князьдығындағы билікті Москва князы Юрий Даниловичке берді. Юрий театр әскерлерімен қоысылып, Михаил Ярославичке қарсы шықты. 1317 жылы 22 желтоқсанда Бортенево жанындағы ұрыста Михаил Ярославич жеңіске жеткенімен Өзбек ханның сотына баруға мәжбүр болды. Хан ставкасында Михаил Ярославичті Юрийдің малайлары өлтірді.
Дереккөздер
