Елтоқ Ділімбетұлы Ділмұхамедов
ТұлғаЖаңартылған: 14.09.2026
Елтоқ Ділімбетұлы Ділмұхамедов (21 қыркүйек, 1903 жыл, Шымбай ауданы, Қарақалпақстан - 1990) - тарихшы, тарих ғылымдарының докторы (1973). Ғылыми еңбектері Қазақстанда жұмысшы табының қалыптасуы, ұлт-азаттық қозғалысы т. б. мәселелерге арналды. 70-тен астам еңбек жазды. Ділмұхамедов 1950-53 ж. Кенесары Қасымұлы бастаған ұлт-азаттық қозғалыс туралы пікір таласы тұсында байыпты көзқарасын білдірді. Ермұхан Бекмахановтың еңбектеріне жаппай саяси айып тағудың дұрыс емес екендігін айтып, X. Айдарованың, А. Якуминнің, Т. Шойынбаевтың, С. Толыбековтің, М. Ақынжановтың, С. Нұрышевтің мақалаларына қарсы шықты. Бұл «Хан Кене» пьесасы үшін дәл сондай айып тағылып, солақай әсіре сыншылардың байбаламының астында қалған Әуезовті де қорғау деген сөз еді.