Аққорған қаласы
Bu makalenin seçtiğin dilde çevirisi yok — ana dildeki sürüm gösteriliyor.
Аққорған – орта ғасырлардағы қала, Қызылорда облысының жергілікті маңызы бар тарих және мәдениет ескерткіштерінің мемлекеттік тізіміне енген археология ескерткіші.
Орналасқан жері
Жаңақорған ауданы, Түгіскен ауылынан оңтүстік-батысқа қарай 1 км жерде орналасқан.
Зерттелуі
Ескерткішті 1890 жылы В. Каллаур ашқан, 1990 жылы А.О. Руднев, 1969-70 жылдары Отырар археологиялық экспедициясы (К.А. Ақышев) зерттеген. 2004 жылы ХҚТУ ТАЭ (М. Елеуов) географиялық координаттарын анықтап, жоспарын сызып, суретін түсірді.
Тарихи деректер
Қала аты Түркістан өңіріне байланысты саяси оқиғаларды баяндайтын орта ғасыр авторларының жазбаларында жиі кездеседі. Масуд бин Осман Кухистанидың хабарлауынша Аққорған Сығанақ, Созақ, Аркук қалалары сияқты Әбілқайыр ханға өз еркімен берілген. "Үлкен сызба кітабындағы" деректерге қарағанда Аққорған Жаңақорғаннан 70 шақырым, Сайрамнан 110 шақырым жерде орналасқан. Осы тұста ежелгі қаланың орны сақталған. Осы күнге дейін Аққорған болып аталады.
Сипаты
Екі деңгейден түратын трапеция тәріздес төбе. Басқа бөлігінен едәуір биік орналасқан бөлігінің аумағы 150x110 м, биіктігі 6 м. Бұл цитадельдің орны. Оны қоршай орналасқан аласа төбенің қабырғалары: шығысында 210 м, батысында 240 м, оңтүстік және солтүстік боліктерінде 230 м. Қаланың қорғаныс қабырғасы мен оның сыртындағы ордың іздері анық сақталған. Жинастырылған деректерге қарағанда қала XV-XVIII ғасырларда өмір сүрген.