Іңкәрқала
Bu makalenin seçtiğin dilde çevirisi yok — ana dildeki sürüm gösteriliyor.
Іңкәрқала (б.д.д. ІV-ІІ ғғ.) – Қызылорда облысының жергілікті маңызы бар тарих және мәдениет ескерткіштер тізіміне енген археологиялық ескерткіш, ежелгі елді мекен орны.
Орналасқан жері
Қармақшы ауданы, Көмекбаев ауылынан оңтүстік-батысқа қарай 88,5 км жерде орналасқан.
Сипаты
Ежелгі елді мекен 1958 жылы Хорезм археологиялық-этнографиялық экспедициясымен (жетекшісі С. П. Толстов) зерттелген. Қалашық шаршы пішінді, аумағының өлшемдері – 35х35 м. Қаланың сыртқы көрінісі тік төртбұрышты, айналдыра биіктігі 1,5-1,7 м келетін дуалмен қоршалған. Дарбазасы оңтүстік жағындағы дуалдың ортасына салынған. Қазба барысында табылған көзелердің сынықтарына қарағанда, қала тұрғындары б.д.д. ІV-ІІ ғасырларда өмір сүрген. Олар суғармалы егін шаруашылығымен және мал өсірумен айналысқан.