Тектұрмас
Перевод этой статьи на выбранный язык отсутствует — показана версия на основном языке.
Тектұрмас – ерте орта ғасырдағы қала орны, Жамбыл облысының жергілікті маңызы бар тарих және мәдениет ескерткіштерінің мемлекеттік тізіміне енген археология ескерткіші.
Географиялық орны
Жамбыл облысы Талас ауданы Көшек батыр ауылының солтүстік-батысына қарай 5 км жерде орналасқан.
Зерттелуі
Алғаш 1898 жылы В.А. Каллаур ашқан. 1949 жылы Жамбыл облыстық тарихи-өлкетану мұражайының экспедициясы (жетекшісі Л.И. Ремпель), 1980 жылы осы экспедициясы (жетекшісі К. Байбосынов), 2000 жылы Оңтүстік Қазақстан археологиялық экспедициясы (жетекшісі К. Байпақов) зерттеген.
Сипаты
Жобасы тікбұрышты келген қала жұртының ауданы 300х200 м. Қалашықтың солтүстік шетінде орналасқан цитадельдің ауданы 70х70 м, биіктігі 11 м. Айнала қорғаныс дуалмен қоршалып, сыртынан ор қазылған. Қаланың іші мен сыртында құрылыс қалдықтары байқалады. Қазба барысында табылған қыш ыдыстардың сынықтары мен қалашықтың жобасының сипаты оның VII-XIII ғасырлар аралығында өмір сүргенін білдіреді.