Пышақшытөбе
Перевод этой статьи на выбранный язык отсутствует — показана версия на основном языке.
Пышақшытөбе – орта ғасырдағы шағын қаланың орны, Түркістан облысының жергілікті маңызы бар тарих және мәдениет ескерткіштері тізіміне енген археология ескерткіші.
Географиялық орны
Отырар ауданы Темір стансасының оңтүстік-батыс жағында 11 км жерде орналасқан.
Зерттелуі
1947 жылы Оңтүстік Қазақстан археологиялық экспедициясы (жетекшісі А.Н. Бернштам), 1969-1970 жылдары Оңтүстік Қазақстан кешенді археологиялық экспедициясы (жетекшісі К. Ақышев) зерттеген.
Сипаты
Аумағы батыстан шығысқа қарай 138 м, солтүстіктен оңтүстікке қарай 110 м. Басқа жағына қарағанда батыс жағы аласа, тік бұрышты, биіктігі 7,5 м. Шығыс жағының биіктігі 11,5 м. Алаңның төңірегінде топырақ төмпешіктің ізі бар. 1949 жылы экспедиция батыс алаңның шығыс жағының орта шенінің үш қабатын қазды. Екінші қабатынан қабырғаға қаланған шикі кірпіш, қыш ыдыстардың сынықтары табылды. Қазба барысында табылған материалдарға қарағанда, қалашықта тұрғындар VI-X ғасырларда өмір сүрген.