Виктор Кузьмич Захаров
PersonUpdated: 9/14/2026
Bu makalenin seçtiğin dilde çevirisi yok — ana dildeki sürüm gösteriliyor.
Виктор Кузьмич Захаров (13.03.1927, Ресей, Орынбор облысы Орск қаласы – 13.01.1971, Ақтау қаласы) – инженер. Украинадағы Харьков темір жол көлігінің инженерлері инcтитутын бітірген. Орынбор депосында паровоздарды жөндеуші инженер, бас инженер, 1953 – 60 ж. Ақтөбе депосының бастығы, 1960 – 64 ж. Ақтау қалалық партия комитеттің 2-хатшысы, Еңбекшілер депутаттары комитеттінің төрағасы болды. 1964-1971 жылдары Ақтау қалалық партия комитетінің бірінші хатшысы. Қазақ КСР Жоғарғы Кеңесінің депутаты болған. «Құрмет белгісі» орденімен (1966), «В.И. Лениннің туғанына 100 жыл» медалімен (1970) марапатталған.